*Kitabxanaya üzv olmaq üçün səxsiyyət vəsiqəsi tələb olunur. Məktəblilər dogum haqqında şəhadətnamə ilə kitabxanaya üzv ola bilər.

*Arzu edənlər kitabxananın xidmətindən istifadə edə bilər.

*Oxu zalına söndürülməmiş mobil telefonla daxil olmaq olmaz.

*İstifadə üçün alınmış ədəbiyyatı cırmaq və korlamaq qadağandır.

*Kataloq və kartotekalardan səliqə ilə istifadə olunmalıdır. Kataloq kartoçkalarını cırmaq, çıxarmaq və qutuları kataloq yeşiklərindən kənara aparmaq olmaz.




Tarix : 1-05-2011, 16:55 Çap et



Oxuculara yaddaş

1. Kitabı qatlamayın. Hətta kitabın yumşaq cildi buna imkan versə belə. Əgər kitab çətin açılırsa, güc işlətməyin və açıq kitabın üstünə heç nə qoymayın.

2. Səhifələrin künclərini əlfəcin olmasa belə qatlamayın.

3. Əzilmiş səhifələri açmağa və yaxud qabarmış cildləri düzəltməyə cəhd etməyin.

4. Kitabı oxuyarkən onun üzərinə dirsəklənməyin.

5. Çalışın kitabı yerə salmayasınız və ümumiyyətlə nə özünüzə, nə də başqalarına kitabla sərt davranmağa imkan verməyin.

6. Kitabları döşəməyə və pəncərə altına qoymayın (Yadda saxlayın ki, günəş işığı və toz eyni dərəcədə onlara ziyandır).

7. Çalışın ki, kitabda öz qeydlərinizi (xətt cızmaq, kənarda sizdən sonra oxuyanlara nəsihət və s.) etməyəsiniz, ümumiyyətlə kitabda yazı ləvazimatı ilə ( hətta qələmin yazmayan tərəfi ilə) toxunmayasınız.

8. Kitabı yazdığınız vərəqin altına qoymayın.

9. Kitabxanaya kitab verən bir material ( yemək, yapışqan, mürəkkəb, yapışqanlı lent və s. ) gətirməyin. Çalışın ki, mütaliə zamanı yemək, içmək, qələmi itiləmək kimi vərdişlərdən uzaq olasınız.

10. Ümumiyyətlə çalışın ki, kitab səhifələrinə mümkün qədər az toxunasınız ( xüsusən əgər kitab köhnə və qədimdirsə ) sətirlər üzərinə barmaqlarınızı gəzdirməyin. Bunun üçün bir parça kağızdan və ya əlfəcindən istifadə edin.

11. Dəftərxana yapışqanı ilə ayrılmış kötüyü yapışdırmağa və yaxud səpələnmiş səhifələri yapışqanlı lentlə birləşdirməyə cəhd etməyin. Ümumiyyətlə, kitabxana kitabını özbaşına bərpa etməkdən əl çəkin. Yaxşı olar ki, rast gəldiyiniz qüsurlar barədə kitabxanaçıya xəbər verəsiniz.

12. Əlfəcin əvəzinə kitabın arasına əlinizə düşən təsadüfi əşyalardan ( qələm, asılqan nümrəsi və yaxud bu qəbildən başqa əşyalar) istifadə etməyin.

13. Üst paltarınızı asılqana vermək məcburiyyətilə barışın- onun üzərindəki toz kitab üçün zərərlidir.

14. Aldığınız kitabların səhifələri iplə bağlanmışsa, onu özbaşına açmayın, kitabxanaçıya müraciət edin.

15. Əgər görürsünüz ki, kitabın səhifələri kəsilməmişdir, qayçı və xətkeşdən istifadə etməyin. Kitabxanaçıdan xahiş edin ki, o sizə səhifə kəsmək üçün xüsusi bıçaq versin və ondan necə istifadə etməyi öyrətsin.

16. Əgər kitabın surətinin çıxarılmış variantı varsa onu orijinaldan üstün tutun.

17. Açıq kitabı üzüaşağı stolun üstünə, kitabın səhifələri sallanan vəziyyətdə stolun kənarına qoymayın.

18. Kitab istifadəsi üçün yaramayan yerlərə ( yeməkxana, papiros çəkmək üçün ayrılan yer) kitabla getməyin.

19. Sizə verilən kitablara o dəqiqə nəzər salın, nəzərə çarpan qüsurlar haqqında kitabxanaçıya məlumat verin. Əks təqdirdə bu qüsurlar sənin ünvanına aid edilə bilər.

20.Çox güman ki, bu barədə xəbərdarlıq artıq olar. Hər halda yadda saxlayın ki, kitablarla ehtiyatsız münasibətlə və yaxud kitabı korlamaqla ( səhifələrin qoparılması, kötüyün ayrılması və s.) Sizi ömürlük Kitabxanadan xaric etmək cəzası gözləyir.