"8 Mart ” adına uşaq kitabxanasının əsası 1904- cü ildə köhnə Ramana kəndində qoyulub. 1959- 60- cı illərdə isə kitabxana Bakıxanov (keçmiş Razin) qəsəbəsində fəaliyyət göstərməyə başlamışdır. Azərbaycan Respublikası Prezidentinin 06 oktyabr 2008 – ci il tarixli 3072 saylı “ Azərbaycan Respublikasında kitabxana- informasiya sahəsinin 2008- 2013- cü illərdə inkişafı üzrə Dövlət Proqramı “ haqqında Sərəncamının Tədbirlər Planının 2.1.5 bəndinə uyğun olaraq, Mədəniyyət və Turizm Nazirliyinin 2010- cu il 23 dekabr tarixli, 3474/ 03 №- li məktubu, Azərbaycan Respublikası Maliyyə Nazirliyinin 2010- cu il 13 dekabr tarixli, 05/ 02 – 193- 1324 № - li məktubu, Bakı Şəhər İcra Hakimiyyəti Başçısının 2011- ci il 24 yanvar tarixli 40 №- li Sərəncamına, Bakı Şəhər Mədəniyyət və Turizm İdarəsinin 27 yanvar 2011 – ci il tarixli 04 saylı əmrinə əsasən keçmiş, “ 8 Mart “ adına uşaq kitabxanasında Sabunçu rayonu üzrə Mərkəzləşdirilmiş Kitabxana Sistemini ( MKS ) yaradılmışdır. MKS- in 13 filialı fəaliyyət göstərir. MKS Bakıxanov qəsəbəsi M. Gəncəvi küçəsi 2 ünvanında yerləşir. Fondun həcmi 897333 nüsxə təşkil edir. Fondda 15262 nüsxə kiril, 8628 nüsxə latın, 65843 nüsxə rus dilində ədəbiyyat vardır. Kitabxana 107, 169, 80, 72, 74, 96, 309, 310 saylı məktəblərlə və 30 ,254 ,98, 40 saylı bağçalarla sıx əlaqədə işləyir. MKS- də Azərbaycan xidmət şöbəsi, Rus xidmət şöbəsi, Qiraət şöbəsi, Metodika şöbəsi, Biblioqrafiya şöbəsi, Vahid Fond Kitabxanalararası Abonoment şöbəsi,Kitabişləmə və komplektləşdirmə şöbəsi, Elektron – informasiya xidmət şöbəsi fəaliyyət göstərir.