"Heydər Əliyev Müstəqilliyimiz əbədidir"

M.F.Axundov adına Milli Kitabxana tərəfindən hazırlanan bu vəsait ümummilli lider Heydər Əliyev irsini araşdıran oxucuların və mütəxəssislərin “Müstəqilliyimiz əbədidir” çoxcildliyinin X-XXVII cildlərindən istifadəni asanlaşdırmaq məqsədilə tərtib olunmuşdur. Vəsaitdə çoxcildliyin mətnində verilən qeydlər, şəxsi və coğrafi adlar əlifba sırası ilə qruplaşdırılaraq ayrı - ayrı cildlərdə gedən materiallar bir kitabda toplanmışdır. Biblioqrafiq göstərici kitabxanaçılar, mütəxəssislər və tədqiqatçılar üçün nəzərdə tutulmuşdur.


__________________________________


Prezident İlham Əliyev və mədəniyyət [Mətn] : II cilddə. C. I / red . A . Dənzizadə. –B.: İdeal- Print, 2008. - 506 səh.

Azərbaycan Respublikası Mədəniyyət və Turizm Nazirliyinin layihəsi ilə nəşr olunan iki cildlik “Prezident İlham Əliyev və mədəniyyət” kitabında İlham Əliyevin 5 illik prezidentliyi dövründə Azərbaycanın mədəniyyət, incəsənət, ədəbiyyat xadimləri ilə görüşləri, onlarla xüsusi ünsiyyət və söhbətlər, habelə mədəniyyət məsələləri ilə bağlı nitqləri, çıxışları, səfərləri, müsahibələri, təbrikləri və digər materiallar toplanmışdır.


__________________________________


Əhmədov S. Azərbaycan tarixindən yüz şəxsiyyət [Mətn] /red. M. Nəbioğlu - B.: Nağıl evi, 2009. - 388 səh.

Azərbaycan tarixində yüzlərlə parlaq şəxsiyyət olmuşdur. Onların hər birinin həyatı, yaradıcılıq yolu bugünkü nəsillərə örnək ola bilər. Həmin insanların taleyi haqqında məlumat verən bu nəşr toplu xarakter daşıyır. Burada dünyanın yüz məşhur yazıçı və şairləri, elm, mədəniyyət və siyasi xadimləri ilə tanış olmaq mümkündür. Tomris, Cavanşir, Babək, Füzuli, Şah İsmayıl Xətai, Uzun Həsən, M.F.Axundzadə, Səməd Vurğun, Heydər Əliyev sanki əsrlərin, illərin arxasından baxır, oxucuları öz həyatlarından nümunə götürməyə çağırır.



__________________________________



“Azərbycan tarixi”. Yeddi cilddə. Bakı, “Elm”, 2007. 520 səh., 40 səh. illüstrasiya.

Kitabda Azərbaycanın çox əsirlik tarixi keçmişindən bəhs edilir. Bundan başqa, kitabda arxeoloji mənbələr və yazılı abidələr əsasında ölkəmizin ibtidai insan cəmiyyətinin mərhələləri, qədim, orta əsrlər və xanlıqlar dövrü, yadelli işğalçılarla mübarizəsi, etnik məsələlər açıqlanır.


__________________________________


“Uşaqlar üçün ensiklopediya. Geologiya”. Bakı , “Şərq-Qərb”, 2008-ci il. 712 səh.

Uşaqlar üçün nəzərdə tutulan ensiklopediyada yerin daxili qüvvələri, xarici qüvvələrin yer səthinə təsiri, geoloji təbiət abidələri, yerin tarixi, minerallar, süxurlar, faydalı qazıntılar, qiymətli və bəzək, zərgərlik əşyaları haqqında dolğun məlumat verilmişdir.



__________________________________




“Heydər Əliyev və mədəniyyət”. III cilddə. Bakı. “Nurlar”. 2008, 520 səh., foto-şəkilli.

Kitabda H. Əliyevin Azərbaycanın mədəniyyət, ədəbiyyat və elm xadimləri ilə keçirdiyi tarixi görüşlərini, ədəbi-mədəni irsə, maddi-mdəni abidələrə qayğısını əks etdirən materiallar, tövsiyyələr, nitq və çıxışları toplanmışdır.

__________________________________



Rasim Əfəndi. “Azərbaycan incəsənəti”. Bakı, “Şərq-Qərb”, 2007. 160 səh. 112 səh. illüstrasiya.

Kitabda qədim, orta əsrlərdə və sonrakı dövrlərdə Azərbaycanda yaradılmış görkəmli memarlıq abidələri, təsvisi və dekorativ tətbiqi sənət nümunələri araşdırılır, incəsənətimizin zəngin ənənələri hərtərəfli şərh edilir.

__________________________________

“O olmasın, bu olsun” – “Məşədi ibad” Operetta. Bakı, “Çinar-Çap” nəşriyyatı. 2007. 151 səh.

Dahi bəstəkar Üzeyir Hacıbəyovun dünya şöhrətli “O olmasın, bu olsun” operettası klavir nəşrdə musiqi sevərlər üçün hazırlanmışdır.


__________________________________



“Mədəniyyətimizin və mədəni incilərimizin hamisi”. Bakı, “Nurlar”. 2007, 424 səh.ter]

Kitabda Heydər Əliyev fondunun, YUNESKO və İSESKO-nun xoşməramlı səfiri, Azərbaycanın birinci xanımı Mehriban Əliyevanın Mədəniyyət sahəsində fəaliyyətindən bəhs edilir.


_________________________________